O Concello de Soutomaior  está ultimando os detalles da programación de actividades coas que este ano festexará o Día das letras Galegas que se conmemora o día 17 de maio. Este é un ano moi especial polas circunstancias nas que nos atopamos derivadas polo COVID-19 e, por isto, debemos seguir adiante e apostar pola Cultura explorando outras formas de promovela para que entre todos e todas poidamos compartir os marabillosos momentos que esta nos ofrece aínda que sexa noutrso formatos como por exemplo, a través de espazos virtuais.

Así, a Concellería de Cultura ten previsto para o domingo 17 de maio ás 19.30 h que festexemos as nosas letras dun xeito moi especial, xunto ó Mago Teto. Que co seu espectáculo de maxia "As nosas letras" renderá unha homenaxe á nosa lingua e cultura e tamén á tradición e costumes galegas a partir dunha escolma de destacadas pezas da literatura galega.

Será un espectáculo EN DIRECTO moi divertido dirixido a todos os públicos onde poderedes interactuar en directo dendes as vosas casas durante o espectáculo.

O espectáculo retransmitirase en directo desde a canle de youtube do Concello de Soutomaior: https://www.youtube.com/user/concellosoutomaior

Tamén o poderedes ver a través de FACEBOOK CULTURA SOUTOMAIOR , TV SOUTOMAIOR ou accedendo a través da web www.gabinetesoutomaior.com

Non vos podedes perder "a maxia das nosas letras"!!! Haberá máis sorpresas.

Ó longo destes días seguiremos informando sobre esta actividade e tamén sobre outras actividades previstas para ese día.