SOUTOPEQUENO un festival de cine e música infatil  para o mes de marzo
SOUTOPEQUENO un festival de cine e música infatil para o mes de marzo
Na mañá do venres o alcalde de Soutomaior Agustín Reguera e a edil de cultura Dolores Cernadas presentaron o que será o primeiro festival de cine e música infantil ( SOUTOPEQUENO) que se celebrará no mes de marzo entre os días do 28 ao 31 de marzo. Reguera salientou a implicación do Concello de Soutomaior cos rapaces e rapazas do municipio e froito da implicación naceu SOUTOPEQUENO xa que para Agustín Reguera os cativos/as de Soutomaior son peza fundamental do Concello. Reguera cualificou o Festival SOUTOPEQUENO como unha das apostas máis importantes e agarda que sexa todo un éxito, para a concelleira de Cultura Dolores Cernadas a involucración das familias neste Festival é fundamental e dende a súa Concellería facilitouse ao máximo todo o preciso para a organización do evento. Cernadas convida a todas as familias do Concello de Soutomaior a participar nos días do 28 ao 31 de marzo e augura un éxito rotundo ao que será o primeira festival de cine e música infantil "SOUTOPEQUENO"
No festival infantil SOUTOPEQUENO a diversión está garantida
No festival infantil SOUTOPEQUENO a diversión está garantida
O actor e titiriteiro Miguel Borines presentou xunto ao alcalde de Soutomaior Agustín Reguera e a concelleira de Cultura Dolores Cernadas o que será o primeiro festival de cine e música infantil "SOUTOPEQUENO" Borines é un dos creadores do Festival e o seu curriculum á hora de organizar actividades culturais é todo un éxito, xa que formou parte da organización do Festival de Títeres de Redondela , do festival de curtametraxes Redondela en Curto entre outros. Borines agradeceu ao Concello de Soutomaior a xenerosidade coa que foi recibido "SOUTOPEQUENO" e non dudou á hora de garantir un éxito rotundo ao Festival, un Festival que conta cunha programación do máis punteira tanto en cinema como en actividades musicais que son dous dos referentes de "SOUTOPEQUENO" Ademais de cinema e concertos poderemos presenciar por primeira vez nun Festival unha selección dos mellores homes e mulleres orquestra do mundo, así coma unha serie de concertos do máis suculento para o público infantil. Lembrar que o Festival serán os días 28, 29, 30 e 31 de marzo