En liberdade o acusado de abusar de varias pasaxeiras no tren Vigo-Madrid
En liberdade o acusado de abusar de varias pasaxeiras no tren Vigo-Madrid
O mozo con chaleco amarelo e gorra destas imaxes das cámaras de seguridade da estación está acusado de abusos sexuais a catro mulleres no tren que fai a ruta Vigo-Pontevedra. Foi detido pola Brigada Móbil de Madrid o pasado luns. É un home de 21 anos que reside no municipio de Soutomaior, en Arcade, e con antecedentes por delitos de natureza sexual. De feito tiña vixentes dúas ordes de afastamento de anteriores vítimas de abusos. Renfe recibiu numerosas denuncias dende o pasado mes de agosto de mulleres que sufriron tocamentos no tren, e a Policía Nacional trasladou efectivos da capital á Vigo para investigalo. Dous axentes de paisano subiron ao tren de media distancia que pasa por Arcade en dirección a Vigo e descubriron o sospeitoso, que opuxo moita resistencia no momento da detención. Prestou declaración ante o xuíz de instrución numero 8 de Vigo e logo dun exame forense e psicolóxico quedou en liberdade con cargos. Fonte :TVG
Marcos Mariño realiza novas pezas para o nacemento
Marcos Mariño realiza novas pezas para o nacemento
O Belén instalarase na Praza da Ostra este xoves día 5 de decembro e inclúe tres novas figuras que recrean en tamaño natural a tradicional estampa do nacemento talladas en madeira. Ao neno, a Virxe María e San José, únenselle este ano as figuras do Boi, a Mula e o Anxo que, segundo a tradición cristiá, foi quen avisou aos pastores da chegada do neno Jesús. As novas figuras, segundo indicou o alcalde, Agustín Reguera, xa están pensadas para que os nenos e nenas poidan subirse a elas e facerse as súas fotografías do Nadal. Explica o alcalde que logo do éxito do ano pasado e vendo que todos os veciños facíanse fotos co nacemento, decidiron pedirlle ao artista que as figuras dos animais fosen tombadas "así son máis cómodas, accesibles e seguras para todos". O nacemento conservará este ano o seu lugar na Praza da Ostra de Arcade, pero como a intención municipal é que vaia crecendo cada ano, a partir do 2020 terase que valorar unha nova localización. O sitio dependerá das novas incorporacións que poderían contemplar figuras dos Reis Meigos, os pastores e máis animais até completar un nacemento único e exclusivo de Soutomaior. O autor das figuras, Marcos M...
Soutomaior deu por comezado o Nadal
Soutomaior deu por comezado o Nadal
O Concello de Soutomaior deu por inaugurado o Nadal o pasado venres na praza de Talo Río cun espectáculo dirixido a toda a familia, cheo de luz, música e moita maxia. Sobre as 17,30 horas deu comezo as actividades previas ao aceso na que houbo unha festa infantil con animación musical, agasallo de gorros de papa Noel, xogos, panxoliñas, etc. Sobre as 19,00 horas, coa chegada á Alameda das fascinantes medusas feitas con globos e con luz que danzaron ao ritmo da música nadando entre o público, procedeuse ao aceso de máis de 40 arcos luminosos, motivos do Nadal en farois, elementos decorativos en 3D, Belén e bóla de nadal que se distribuien ao longo do Concello.
Pleno Concello Soutomaior mes de novembro
Pleno Concello Soutomaior mes de novembro
Pleno ordinario do Concello de Soutomaior celebrado o xoves 28 de novembro entre os puntos a tratar foi a moción sobre o antigo edificio coñecido como "Oliveira" sito no lugar do colexio Manuel Padín Truiteiro que nestes momentos está es desuso e forma parte da Xunta de Galicia.
3ª Gala do Deporte Concello de Soutomaior
3ª Gala do Deporte Concello de Soutomaior
O Concello de Soutomaior celebrou a 3ª Gala do Deporte, unha vez máis os deportistas de Concello volveron ser os protagonistas, o acto tivo lugar no Multiúsos de Arcade onde rexistrou un cheo absoluto. Durante a hora que durou o evento varios foron os deportistas galardoados facendo mención especial naqueles deportistas que nos anos 60 tiveron un protagonismo deportivo de éxito no Concello, por terceira vez consecutiva a Concellería de Deportes premiou de maneira individual e colectiva aos máis destacado e como dixo o alcalde de Soutomaior Agustín Reguera " os premios son froito de todo o esforzo e traballo durante o ano, e o importante destes premios é que non os decide o Concello se non as propias entidades deportivas de Soutomaior".
Aparte de xogadores éramos amigos
Aparte de xogadores éramos amigos
Waldo, Félix, Alberto, Santiago e Manuel eran antigos traballadores da desaparecida empresa Pontesa, por aquel entón no ano 1967 creouse o equipo de baloncesto que de nome era igual ao da empresa Pontesa, a maioría dos xogadores non sabían nin coller un balón, pero como di Félix por aquela época xa existía equipo na Vila o C.B. Arcade e un dos seus mellores xogadores Alfonso Pazos foi o que se encargou de poñer a funcionar o noso equipo. Aquel no só era un equipo de empresa se non que era un equipo de amigos xa que ao rematar os partidos ían todo o equipo a tomar uns viños. Na fábrica existían xa vestiarios que por aquela época non había moitos campos que o tiñan, a verdade é que o Equipo contaba con boas instalacións dentro do posible xa que o campo de xogo estaba dentro dos terreos da empresa de louza
O fútbol era o que había nesa época
O fútbol era o que había nesa época
Co motivo da 3ª Gala do deporte do Concello de Soutomaior 4 foron os entrevistados que tiveron vinculación directa co equipo de fútbol de Arcadia Xuvenil, Antonio, Jose Luis, Francisco e Amadeo lembran nesta reportaxe como foron para eles aqueles anos nos que xogar a fútbol no C.D. Arcadia que por aquel entón era o nome do Club era todo un privilexio. " Hoxe en día teñen auga quente, pero daquela había que ir a un regato a bañarse que as veces nin auga traía" coméntanos un dos protagonistas. Outra das anécdotas deportivas de por aquel entón era o uso das botas de fútbol, " hoxe en día todos os xogadores e xogadoras teñen as mellores botas do mercado, daquela había que ir correndo ao vestiario, por chamalo dalgunha forma, xa que eran catro bloques cunhas táboas, iamos correndo xa que o primeiro que chegaba escollía ou facíase coas mellores botas, daquela se collías as do teu número era unha sorte"
O Santiago Apóstol deu por remtado o programa
O Santiago Apóstol deu por remtado o programa "Camiño a dentro"
O Concello de Soutomaior participou no programa " Camiño a dentro": dez acccións de mulleres artistas para pór en valor o Camiño Portugués impulsado pola Deputación de Pontevedra e a Xunta de Galicia. O proxecto desenvolveuse en dez concellos polos que pasa a ruta central e a da costa e inclúe desde teatro, poesía e música a instalacións artísticas, videocreacións, ilustración e fotografía. O programa comezou o 3 de outubro e remataou o venres 25 de outubro ás 12 h no CPR Santiago Apostol de Soutomaior cunha acción escénica da artista Helen Bertels. Esta actriz e creadora alemá afincada en Santiago de Compostela desde 1999 ten unha ampla traxectoria artística dándolle prioridade na actualidade ao que quere expresar mantendo unha estreita relación co mundo da muller. “Camiño A Dentro” afondou, cunha ollada cultural, na relación entre Camiño e territorio e na interacción entre a veciñanza e os peregrinos e peregrinas. Ten como obxectivo pór en valor o Camiño desde unha perspectiva cultural contemporánea, recoñecer o labor das mulleres artistas e propiciar o encontro coa comunidade local e os peregrinos e peregrinas. O proxecto conta coa particip...
"Fenómenos do rural" do 1 ao 30 de outubro
Hai obras que son espectaculares e belas, non só pola forma na que están realizadas, senón tamén pola idea, os valores e sentimentos que están detrás. Isto pasa coas pinturas de Joseba Muruzabal, unhas impresionantes pinturas que esconden un honesto obxectivo: destacar a figura da muller rural. O artista inmortalizou en paredes e lenzos a algunhas mulleres galegas. Trátase de mulleres rurais de avanzada idade ás que o artista dotou dunhas características e habilidades especiais, como unha forza sobrenatural ou outros superpoderes. Dendo o día 1 ao 30 de outubro a Concellería de Igualdade organizou unha exposición no multiúsos de Arcade onde se pode atopar parte das obras de Murazabal, todo un artista e referente á hora de retratar á muller rural.
Obradoiro
Obradoiro "Xogos con risas aseguradas"
Aberto o prazo de inscrición para participar no obradoiro "Xogos con risas aseguradas". Este obradoiro realízase no marco do programa Tecnedo Lazos da Deputación de Pontevedra co que colabora o Concello de Soutomaior. O O obradoiro comezará o 9 de novembro e rematará o 21 de decembro de 2019. Poderán participar persoas a partir dos 6 ata os 99 anos. Trátase dun obradoiro interxeneracional co que se pretende a través do xogos e da risoterapia mellorar a relación entre maiores e pequenos/as para aumentar a empatía e considerar a importancia que esta ten no día a día, ademais de rir e aprender a divertirse. Durante o obradoiro o grupo desenvolverá un montón de xogos e dinámicas como as batallas de culler, a caixa de disfraces, o supermercado, etc. E, a maiores, o grupo participará nunha dinámica sobre " A historia do meu Concello". O prazo de inscrición remata o 31 de outubro. As inscricións realizaranse na OMIX en Arcade. As datas de realización serán: sábados de 17 a 19 h no Local Municipal de Terceira Idade en Talo Río.
Xuventude oferta varias actividades dirixidas ao público xuvenil
Xuventude oferta varias actividades dirixidas ao público xuvenil
O Concello de Soutomaior convoca novas actividades programadas desde a Concellería de Xuventude dirixidas ao público xuvenil fundamentalmente pero abertas a todas as idades. Dende a Concellería organizan distintas actividades como poden ser: DANZA DO VENTRE BAILES LATINOS DANZA URBANA CONTEMPORÁNEA GUITARRA: española ESCOLA MUNICIPAL DE COCIÑA PARA XÓVENES ESCOLA MUNICIPAL DE DEBUXO E PINTURA ESCOLA MUNICIPAL DE TEATRO Aínda que gran parte das actividades xa deron comezo aínda quedan prazas en moitas outras, e como di a concelleira Noelia Ocampo todo aquel ou aquela que queira anotarse pode facelo a través da páxina web do gabinete de prensa de Soutomaior ou ben acudir a OMIX e facer alí a inscrición .(www.soutomaior.com/xuventude)
Mesa de coordinación para a atención das vítimas de violencia de xénero.
Mesa de coordinación para a atención das vítimas de violencia de xénero.
O Concello de Soutomaior continua coa súa loita contra a violencia machista, para iso organizou a súa sétima mesa de coordinación para a atención integral das vítimas de violencia de xénero. Unha cita interinstitucional que integra o ámbito educativo, sanitario, aos servizos sociais e aos corpos de seguridade para crear redes de traballo e sistemas de coordinación que axilicen e melloren a resposta fronte a esta secuela. A mesa contou coa participación da Secretaria Xeral de Igualdade da Xunta de Galicia, Susana López, os alcaldes de Soutomaior e Pazos de Borbén, Agustín Reguera e Andrés Iglesias, a edil de igualdade, Cristina González, a xefa da unidade que combate a violencia contra a muller, Manuela Vilaboi, técnicos de igualdade de Soutomaior, Vilaboa e Pazos de Borbén, así como os representantes da Garda Civil de Moaña, Fornelos de Montes e Soutomaior. O grupo de coordinación ten como obxectivo principal o perfeccionar esta ferramenta operativa na que están representados todos os ámbitos municipais para que tanto os roteiros establecidos para a axuda ás vítimas, como todos os servizos e atencións ofrecidas no centro, sexan o máis efectivas e temper...