As carrilanas ofreceron espectáculo nas rúas de Arcade de Riba
As carrilanas ofreceron espectáculo nas rúas de Arcade de Riba
A proba disputouse nun circuíto polos viais do barrio de Arcade de Riba ( Pozovello) foi puntuable para a Copa Galicia. A competición percorreu por terceiro ano consecutivo as costas deste barrio de Arcade cunha baixada que ofrece un circuíto de 1.200 metros de lonxitude, e sobre todo moi técnico para poñer a proba a pericia dos participantes. Algunhas das carrilanas alcanzaron medias superiores aos 60 quilómetros por hora, con velocidades puntas ata de 80, o que pon de manifesto a espectacularidade do trazado. Organizou esta baixada a Asociación veciñal e Cultural Pozovello que conta coa colaboración do Concello de Soutomaior e a supervisión da Federación de deportes de inercia.
"Historias na Illa" O cine como temática no programa Encontro da Mocidade
O Concello de Soutomaior ven de rematar o programa xuvenil Encontro da Mocidade que se realizou desde o 19 ata o 22 de agosto na Illa de San Simón. Este programa consistiu en ofrecer unha proposta de participación facilitadora de espazos de encontro e interacción entre a mocidade do municipio en contextos informais e espazos naturais para traballar temas culturais que resulten de interese para a mocidade mediante metodoloxías lúdicas e creativas. Nesta ocasión a temática estivo baseada no cinema cunha particular visión o CINEMA 3.0. As persoas participantes atopáronse durante a súa estancia en San Simón cun prató de cinema xa que a cinefilia, impregnou todas as actividades e tivo presente a historia da Illa poñendo en valor o seu patrimonio material e inmaterial. Durante este encontro traballouse por grupos de idade, segundo o desenvolvemento evolutivo dos participantes. Vai dirixida a mozos e mozas de 12 a 17 anos. A metodoloxía de traballo foi lúdica, dinámica e divertida na que se fomentou o traballo en equipo e a cooperación baseada en todo momento no xogo e a diversión como método didáctico para que as persoas participantes sexan as verdadeiras prot...
Soutomaior conta coa remodelación da primeira pista de padel.
Soutomaior conta coa remodelación da primeira pista de padel.
O Concello de Soutomaior inaugurou a renovación da que fora a primeira pista de padel do municipio e de toda a comarca. A actuación foi presentada na mañá do luns durante a visita do secretario xeral para o Deporte da Xunta de Galicia, José Ramón Lete, e o alcalde de Soutomaior, Agustín Reguera, ao complexo deportivo A Montesiña. A renovación da pista principal de padel supuxo unha inversión de 25.000 euros que foron destinados á substitución da maioría dos elementos do recinto. Así, como o actual peche da pista, construído con ladrillo e rede metálica, substituíuse por paredes de cristal, como nas outras dúas pistas do complexo deportivo. Ademais, substituíuse completamente o tapete de céspede artificial da pista por outro máis moderno e de mellores prestacións. Por último, as novas paredes translúcidas mellorarán as condicións lumínicas do recinto, substituiranse todas as luminarias da pista por novas lámpadas led.
Pleno extraordinario Concello de Soutomaior
Pleno extraordinario Concello de Soutomaior
Na mañá de onte tivo lugar o pleno extraordinario no Concello de Soutomaior, a medida a tratar con urxencia é a posible creación antigo peirao de Duchess, en Rande, dunha base para o movemento de contedores baleiros , clave para garantir o funcionamento da terminal. grupos ecoloxistas, veciñais e confrarías opóñense á medida xa que produciría un importante impacto medio ambiental para a Enseada incluíndo o sector marisqueiro que podería afectar ao propio Concello.
As actividades de verán visitan o Centro Tecnolóxico do Granito
As actividades de verán visitan o Centro Tecnolóxico do Granito
O Concello de Soutomaior volve un ano máis a celebrar as actividades de Verán que tanto éxito teñen entre os rapaces e rapazas do Concello, como todos os anos a duración das actividades lúdicas duran un mes o de xullo, o propio Concello é quen organiza as saídas dos grupos e como todos os anos a diversidades de actividades é un dos aspectos máis fortes. O geupo D visitou na mañá do martes as instalacións de MINERGAL que están no Centro Tecnolóxico do Granito, en O Porriño. Un lugar privilexiado, xeolóxicamente falando, porque se atopa un dos xacementos máis grandes do mundo dunha soa variedade de granito: o Rosa Porriño.
Celebrado o primeiro pleno da nova corporación
Celebrado o primeiro pleno da nova corporación
O Concello de Soutomaior celebrou o primeiro pleno do ano despois das eleccións municipais do 2019, onde o B.N.G subiu en número de concelleiros de 5 acadados nas eleccións do ano 2015 a ser na actualidade 6 por parte do Partido Popular volveron a ter maioría absoluta cun total de 7 concelleiros e quen perde representación municipal foi o P.S.O.E que perdeu a única concelleira que tiña.
Clinic de Juan Lebrón en Soutomaior
Clinic de Juan Lebrón en Soutomaior
Juan Lebrón impartiu o sábado día 15 en horarios de 10 a 13 h e de 16 a 19 h un clinic de padel nas pistas do pavillón Municipal da Montesiña. Juan Lebrón é o actual nº 5 do World Padel Tour e coa súa actual parella de xogo, Paquito Navarro, están clasificados en segundo lugar da clasificación mundial. O clinic organizouno o polo club local Tenis & Padel Soutomaior e coa colaboración do Concello de Soutomaior e da Secretaría Xeral para ou deporte, tamén serviu para estrear a reforma da primeira pista de padel que se fixo no Concello e cuxos muros eran de cemento para pasar a ser agora unha pista semi panorámica de cristal. Así mesmo colocáronse nos fondos paneis de policarbonato para evitar os contrastes de luz e a entrada lateral de auga cando chove O Alcalde de Soutomaior, Agustín Reguera, o presidente do club Tenis & Padel Soutomaior, Esteban Cernadas, así como o vicepresidente Fernando Castro estiveron presnetes no evento .
Fiz e Sonia son dous dos  premiados do XII concurso
Fiz e Sonia son dous dos premiados do XII concurso "Verbas para Comunicar"
Fiz e Sonia son dous dos premiados do XII concurso "Verbas para Comunicar" O certame promovido pola concellería de Xuventude e ten como finalidade promover a creatividade literaria na mocidade e fomentar o uso da lingua galega a través de diferentes modalidades artísticas de participación. O certame consta de dúas modalidades Redacción: dun texto en lingua galega que transmita unha idea, sentimento, opinión, etc., Só presentación individual. O tamaño do texto non poderá ser superior ás 12 liñas. O soporte será o papel ou cartolina e o seu tamaño non poderá superar un folio A4, pero si poderá ser inferior a este. O formato de presentación do papel ou cartolina será libre. Audiovisual: elaboración dun vídeo (curta) ou audio (tema musical ou outros) cunha duración máxima de 5 minutos. Pode presentarse de xeito individual ou grupal (2 ou 3 persoas). Presentar en USB. Pode ser gravado con móbil ou cámara. Acéptanse tamén en calidade HD. Mensaxe en galego escrita ou verbal. Tema e estilo: libre. - Categorías EN CADA MODALIDADE: Categoría A: idades de 12 a 14 anos. Categoría B: idades de 15 a 20 anos.
" O fomento da Língua Galega é fundamental para o alumnado/a"
Eloi Gestido é mestre no IES de Soutomaior é foi un dos protagonistas á hora de incentivar e fomentar a participación por parte dos alumnos e alumnas ao XII concurso Verbas para Comunicar que promove a concellería de Xuventude do Concello de Soutomaior, o cal agradece este tipo de iniciativas . Eloi considera importantísimo o uso da lingua galego, pero non só no instituto senón tamén fora do ámbito da ensinanza, xa sexa na casa, na rúa ou en calquera outro lugar que de pé a falar a Lingua. Eloi foi un dos mestres dinamizadores da cantidade de actos culturais e etnográficos que se realizaron no centro no mes de maio un dos proxectos foi o chamado "Falemos de ti e min" que fixo posible que o alumnado do noso IES coñecese de preto dúas das propostas artísticas máis innovadoras, recoñecidas e internacionais da cultura galega actual a compañía A Panadería e pola tarde a afamada cantante galega "Mercedes Peón" O centro educativo goza nestes intres dunha actividade cultural moi activa o que fai adquirir coñecemento e inquietudes ao alumnado/A
Escolas Deportivas
Escolas Deportivas " Escola de Patinaxe grupo C Baile "
O Pavillón Municipal A Montesiña acolleu o festival de clausura das Escolas Deportivas Municipais, nas que, ao longo do curso, participaron máis de 300 nenos/ as, na clausura realizouse demostracións das distintas modalidades cursadas durante a tempada. O Obxectivo das Escolas Deportivas Municipais é o fomento e a práctica do deporte como lecer saudable coñecendo os distintos deportes. O festival comenzou coa demostración dos compoñentes das escolas de iniciación ao deporte e multideporte, seguido dos participantes de ximnasia rítmica e acrobática, tenis e pádel, baloncesto, patinaxe e baile moderno. Ao finalizar o acto o alcalde, Agustín Reguera, entregará a todos os participantes unha medalla para premiar a entrega e esforzo destes mozos deportistas durante todo o ano.
Escolas Deportivas
Escolas Deportivas " Baile Moderno A"
O Pavillón Municipal A Montesiña acolleu o festival de clausura das Escolas Deportivas Municipais, nas que, ao longo do curso, participaron máis de 300 nenos/ as, na clausura realizouse demostracións das distintas modalidades cursadas durante a tempada. O Obxectivo das Escolas Deportivas Municipais é o fomento e a práctica do deporte como lecer saudable coñecendo os distintos deportes. O festival comenzou coa demostración dos compoñentes das escolas de iniciación ao deporte e multideporte, seguido dos participantes de ximnasia rítmica e acrobática, tenis e pádel, baloncesto, patinaxe e baile moderno. Ao finalizar o acto o alcalde, Agustín Reguera, entregará a todos os participantes unha medalla para premiar a entrega e esforzo destes mozos deportistas durante todo o ano.