Breve descrición:

Trátase dunha actividade deportiva cun formato non competitivo que se centrará máis en pasalo ben e coñecer un pouco mellor o Camiño Portugués ao seu paso por Soutomaior.

A actividade potenciará o traballo en equipo e o traballo en grupo mediante unha serie de probas nas que todos os membros do equipo terán que implicarse e, ademais, haberá unha proba final na que todos os equipos terán que aportar algo conseguido durante a execución da actividade.

O percorrido será polo transcurso do camiño por Arcade – Soutomaior co fin de coñecer todas as peculiaridades do mesmo: lugares, emblemáticos, lavadoiros, historias e lendas, monumentos, tradicións, oficios (por exemplo no lavadoiro haberá unha personaxe lavando que lle porá unha proba), etc..Inicio da actividade no Campo de Feira de Arcade onde está o Centro de Saúde e remate en Talo Río Arcade

Durante o percorrido as persoas participantes atoparanse en varios puntos sinalados no mapa do Camiño con moitas sorpresas, por exemplo, con personaxes históricos e peregrinos/as ilustres que os/as estarán agardando para contarlles anécdotas e darlles consellos que lles serán de utilidade para chegar ao final do xogo.

Todas as probas que terán que ir superando para conseguir a acreditación serán deseñadas para traballar: o enxeño, as habilidades, a creatividade e o traballo en equipo. 

A participación será individual ou en grupos cun máximo de 6 persoas por grupo.

Haberá dúas categorías:

- INFANTIL: nenos e nenas de 6 a 12 anos sempre acompañadas dunha persoa adulta no grupo. As persoas adultas terán que anotarse como acompañentes neste mesmo grupo para contabilizar menores e acompañantes.

- XUVENIL/ADULTA: a partir de 13 anos. Sen límite de idade por arriba.

O número total de prazas é de 150. Cada grupo sairá escalonadamente e estarán as saídas organizadas por tempos para non provocar aglomeracións de xente nos mesmos puntos.