Xoves, 19 Novembro 2015 12:52

Escola de país e nais, relaxación en familia

A ESCOLA DE NAIS E PAIS DO CONCELLO DE SOUTOMAIOR REGRESA CUN TALLER DE RELAXACIÓN PARA FAMILIAS

A sesión ten como obxectivo achegar estratexias que axuden a mitigar a tensión no contorno familiar

Venres día 20 de 18,00 a 20,00 horas – Multiusos de Arcade

A Escola de Nais e Pais que organiza a Concellería de Educación do Concello de Soutomaior regresa este venres cunha nova sesión práctica para todos os interesados. Nesta ocasión trátase dun taller de relaxación para familias, con especial atención ás técnicas e solucións que se poden aplicar ás situacións estresantes que se producen no fogar e a contorna familiar. O taller é totalmente gratuíto e desenvolverase de 18 a 20 horas no Multiusos de Arcade. O taller (totalmente práctico) centrarase en achegar ás familias estratexias e xogos que incrementen a empatía de maneira que os participantes poidan axudar a reducir as situacións de tensións, conseguindo así un ambiente familiar máis fluído e agradable aínda cando estean presentes axentes distorsionadores que compliquen a convivencia.

Todos os participantes deberán acudir equipados cunha esterilla. As familias con fill@s poderán asistir con eles xa que paralelamente ao taller desenvolveranse actividades infantís no propio multiusos. Nesta ocasión as familias poderán poñer en práctica todas as técnicas aprendidas durante a sesión xa que contarán con tempo libre ao final do taller para que xuntos compartan e fixen os novos conceptos.


Publicado en Escola de Pais
Visto 2672 veces

Os titulares de Educación

2º acción voluntaria! Imos informar e concienciar

13-06-2018 / Plan Municipal de Voluntariado

O Concello de Soutomaior abre o prazo de inscrición para participar a segunda acción voluntaria do programa de educación medio ambiental SI QUERO, COLABORAR. Nesta ocasión a acción terá dúas...

5 de xuño. Festa do Medio Ambiente en Talorío

01-06-2018 / Educación

Para conmemorar o día mundial do Medio Ambiente que se celebra o 5 de xuño o Concello de Soutomaior ten previsto un programa de actividades que se realizarán en Talorío ...

Visita didáctica á Horta Municipal

25-05-2018 / Horta Urbana Ecolóxica

Escolares de 1º da ESO do Colexio M. Padin Truteiro visitaron hoxe a Horta Municipal. Acompañados polo profesorado do centro e dentro do programa formativo das materias de Bioloxía puideron...

2 de xuño: Hoxe imos limpar. Voluntariado e educación medioambiental

22-05-2018 / Plan Municipal de Voluntariado

Si quero, colaborar é unha iniciativa do Concello de Soutomaior que promove o voluntariado en diferentes áreas de intervención. Encadrada dentro do Plan Municipal de Voluntariado nesta ocasión este programa...