Luns, 21 Novembro 2016 17:05

Quedada para despedir o ano: festa Neón. Merca a túa entrada na OMIX

O Concello de Soutomaior pon en marcha a actividade Quedada para despedir o ano: Festa Neón.

Esta proposta de dinamización xuvenil  forma parte do proxecto QUEDADA! para…  composto por unha seride de actividades lúdicas e de dinamización xuvenil destinadas á mocidade do municipio onde a principal liña de acción é o LECER E TEMPO LIBRE como espazo educativo e de aprendizaxe non formal. Vai dirixida a mozos e mozas a partir de 12 anos.

O proxecto que se enmarca dentro do Plan Municipal de Promoción da Información Xuvenil e Dinamización da Mocidade, trata de: ofrecer alternativas lúdicas, educativas e festivas para ocupar o tempo libre propiciando un lecer de calidade.

Esta proposta de carácter lúdico - festivo terá lugar o xoves 29 de decembro en horario de 18:30 a 21:30 h en Soutomaior, na Casa do Pobo da Pedreira. Para facer máis accesible a participación o Concello de Soutomaior porá autobuses de balde de ida e volta desde Arcade e desde diferentes puntos do Concello.  

Para poder acudir á quedada será imprescindible mercar a entrada previamente na OMIX (1€) porque o aforo é limitado. No momento de mercar a entrada darase toda a información sobre o servizo de autobuses: horarios e paradas.

Queremos que a mocidade participe desde o primeiro momento na Quedada, por iso, na entrada  aparece un código QR que unha vez escaneado co móbil serve para acceder a  web onde se poden pedir os temas: Pide unha canción

A programación para ese día está baseada no dinamismo e participación da mocidade a través de:

  • Sesión  - obradoiro de DJ
  • Obradoiro body paint
  • Concurso Bottle flip
  • Obradoiro mural fluor
  • Obradoiro de limonadas e refrescos fluor

E como nesta ocasión a Quedada será fluor crearemos unha atmósfera realmente especial con todo tipo de materiais fluorescentes que brilarán ao apagar as luces ou montar iluminacións específicas.

Máis información sobre o proxecto Quedadas! para...


Publicado en Quedadas! para...
Visto 3639 veces

Qué é

 

Quedada! para... Plan Municipal de Promoción da Información Xuvenil e Dinamización da Mocidade

 

Os titulares de Xuventude

Iniciamos 2018 con novas actividades

12-01-2018 / Xuventude

O Concello de Soutomaior convoca novas actividades programadas desde a Concellería de Xuventude dirixidas ao público xuvenil fundamentalmente pero abertas a todas as idades. Nestre primeiro trimestre do ano despegamos con...

Prepárate para obter a ESO

09-01-2018 / Xuventude

O Concello de Soutomaior convoca unha nova edición do curso preparatorio para a obtención da ESO. O prazo xa está aberto desde fai uns meses e quedan as  últimas prazas...

Este xoves 28 de decembro, cine no Multiusos: NERVE

26-12-2017 / Xuventude

Este xoves 28 de decembro o Concello de Soutomaior porxectará a película "Nerve, un xogo sin regras" en horario de 19:30 - 21:00 no Multiusos (Arcade). A película vai dirixida a público...

Entrega premios Concurso Postais 2017

18-12-2017 / Xuventude

O venres 22 de decembro ás 19.00 h no Multiusos en Arcade, o Concello de Soutomaior entregará os premios do XVI Concurso de Postais de Nadal. Despois de finalizar coa...