Venres, 16 Decembro 2016 13:43

Programa xuvenil de prevención de condutas de risco

O Concello de Soutomaior acaba de poñer en marcha unha nova edición do seu programa xuvenil de prevención de condutas de risco entre os escolares do municipio. Unha iniciativa que chegará a máis de 100 alumnos de 1º e 2º da ESO  e que abordará durante os seus talleres temas tan delicados como o consumo de drogas ou as relacións sexuais e afectivas. O programa arrincou esta mañá e finalizará o próximo mes de abril.

Baixo o título "A túa saúde. Ti decides!", esta iniciativa pretende crear entre a mocidade do municipio espazos de reflexión sobre o seu papel na sociedade como individuos, como membros dun grupo, analizar os principais motivos que levan ao consumo de drogas ou como os valores e crenzas afectan na maneira en que se relacionan afectiva e sexualmente. Uns espazos que servirán para que os mozos poidan descubrir e afrontar as mellores actitudes ante todos estes temas.

O alcalde de Soutomaior, Agustín Reguera, destacou durante a presentación a importancia destes programas de "actitude proactiva, que apostan pola educación como medio para resolver problemas de raíz antes de que sexa demasiado tarde.

“A estas idades tamén se poden cometer erros moi graves e é necesario que os máis novos sexan conscientes".

O programa componse de dous partes prácticas. Na primeira os alumnos participarán nunha serie de charlas-taller na que adestrarán as súas habilidades sociais, reflexionarán sobre as adiccións, a drogodependencia, as novas tecnoloxías e as condutas de risco no ámbito afectivo e sexual. A segunda parte está dirixida á formación na mediación e toca temas como os tipos de conflito, a xestión apropiada, consecuencias dunha mala xestión ou a figura dunha persoa mediadora.

Outra das cuestións principais desta iniciativa, é o uso correcto das tecnoloxías de información, os perigos dun uso abusivo ou inadecuado e cal é o seu obxectivo principal.

O ciclo conta co apoio da Xunta de Galicia e realízase en colaboración coa asociación Amaina.


Visto 1443 veces

Programa de Prevención
de Conductas de Risco

 

Prevención

 

“A TÚA SAÚDE TI DECIDES”

 

Os titulares de Xuventude

Iniciamos 2018 con novas actividades

12-01-2018 / Xuventude

O Concello de Soutomaior convoca novas actividades programadas desde a Concellería de Xuventude dirixidas ao público xuvenil fundamentalmente pero abertas a todas as idades. Nestre primeiro trimestre do ano despegamos con...

Prepárate para obter a ESO

09-01-2018 / Xuventude

O Concello de Soutomaior convoca unha nova edición do curso preparatorio para a obtención da ESO. O prazo xa está aberto desde fai uns meses e quedan as  últimas prazas...

Este xoves 28 de decembro, cine no Multiusos: NERVE

26-12-2017 / Xuventude

Este xoves 28 de decembro o Concello de Soutomaior porxectará a película "Nerve, un xogo sin regras" en horario de 19:30 - 21:00 no Multiusos (Arcade). A película vai dirixida a público...

Entrega premios Concurso Postais 2017

18-12-2017 / Xuventude

O venres 22 de decembro ás 19.00 h no Multiusos en Arcade, o Concello de Soutomaior entregará os premios do XVI Concurso de Postais de Nadal. Despois de finalizar coa...