Mércores, 03 Mai 2017 10:48

Obras do novo instituto público

O alcalde de Soutomaior, Agustín Reguera, e o delegado da Xunta de Galicia en Vigo, Ignacio López-Chaves, visitaron onte os traballos de construción do novo instituto público do Concello de Soutomaior. Segundo puideron constatar, os traballos avanzan a bo ritmo e dentro do prazo previsto. Actualmente, tal e como informaron esta mañá os responsables técnicos dos traballos, xa está practicamente finalizados os cimentos do novo centro e espérase que para finais deste verán xa debería estar lista a estrutura principal do edificio.

O novo instituto terá capacidade para 480 alumnos, con 12 unidades de ESO e 4 de Bacharelato, e a súa construción cobre a necesidade educativa dun dos municipios con maior índice de natalidade de Galicia. Isto tradúcese nunha gran necesidade de prazas escolares para os próximos anos que ao ser cuberta axudará a fixar a poboación no municipio, contribuíndo así ao seu crecemento.

Neste sentido, o alcalde de Soutomaior declarou que se trata “dunha obra fundamental para o futuro do municipio, polo que as institucións debemos manter unha actitude vixiante e axudar a que todo avance da mellor maneira”. Pola súa banda, o delegado territorial da Xunta de Galicia en Vigo, López-Chaves, manifestou que este centro “vén cumprir o compromiso do departamento educativo da Xunta coas crecentes necesidades de prazas de escolarización que ten o Concello de Soutomaior e para o que a Xunta destinará máis de 5 millóns de euros”.


Publicado en Vias e Obras


Concellería de Vías e Obras
Casa do Concello

Obras de humanización no Peirao (Arcade)

19-04-2018 / Vias e Obras

O Concello de Soutomaior acaba de iniciar as obras de humanización na contorna do Peirao de Arcade. Os traballos de mellora, que contan cun orzamento de 219.000 euros, consisten nunha ampliación da zona peonil da rúa Peirao, a ampliación do aparcadoiro público e a renovación da calzada de acceso. Na práctica, os traballos de humanización da rúa Peirao implican unha renovación...