Venres, 07 Outubro 2016 09:41

Restauración da Fonte da Xesteira

A actuación está encadrada no Programa Municipal de Recuperación do Patrimonio.

O Concello de Soutomaior acaba de finalizar os traballos de recuperación do patrimonio que estaba a levar a cabo na coñecida Fonte dá Xesteira en Arcade.

A posta en servizo levarase a cabo esta tarde, a partir das 18,00 horas, cun pequeno acto no que contará coa presenza do Alcalde, Agustín Reguera, e están convidados os veciños da zona.

Contará coa actuación do Grupo de Gaitas da Asociación Cultural Miudos.

A nova fonte recuperouse con materiais nobres e autóctonos, como o granito e a madeira, para garantir a súa integración na contorna. O chan de todo o recinto renovouse cun solado de pedra granítica de 3cm de espesor ademais de proceder á instalación de novos bancos, unha nova porta de entrada e unha rampla de accesibilidade para persoas con diversidade funcional nas escaleiras que levan á mina.

A cuberta antiga foi demolida e construíuse unha nova que conta con columnas de pedra de 35x35 cm e un tellado de madeira laminada a catro augas.

Ademais recuperáronse por completo a zonas da balsa de auga e o muro perimetral con pedra tradicional galega..

Esta obra está encadrado dentro do Plan de Concellos da Deputación de Pontevedra 2016.


Publicado en Vias e Obras


Concellería de Vías e Obras
Casa do Concello

Obras de humanización no Peirao (Arcade)

19-04-2018 / Vias e Obras

O Concello de Soutomaior acaba de iniciar as obras de humanización na contorna do Peirao de Arcade. Os traballos de mellora, que contan cun orzamento de 219.000 euros, consisten nunha ampliación da zona peonil da rúa Peirao, a ampliación do aparcadoiro público e a renovación da calzada de acceso. Na práctica, os traballos de humanización da rúa Peirao implican unha renovación...