Xoves, 22 Febreiro 2018 10:34

V Carreira da Ostra 2018

Arcade prepárase para celebrar unha das súas maiores citas festivas como é a Festa dá Ostra, que se celebrará o próximo 1 de abril, e, para abrir boca, o Concello de Soutomaior propón o que xa se está convertendo nun clásico do municipio, a Carreira Popular da Ostra. A carreira celebrarase o domingo 25 de marzo coa intención de acoller a máis de 300 participantes de diversas idades nun circuíto que percorrerá os grandes atractivos da localidade, como o camiño de Santiago ou o paseo que conecta varias das súas praias.

As inscricións pódense realizar na páxina www.cronotec.es ata o día 21 de marzo e o prezo é de 5 euros salvo para os empadroados en Soutomaior que será gratuíta, e que terán que realizar a inscrición no pavillón da Montesiña en horario de tarde.

Os máis pequenos poderán inscribirse de maneira gratuíta ata media hora antes da carreira.

O obxectivo da organización, lonxe da competitividade, é involucrar a todos os veciños nun evento de exaltación do deporte e a vida saudable. O percorrido terá unha distancia de pouca máis de cinco quilómetros.

 A área recreativa do Peirao de Arcade será a protagonista absoluta da proba, xa que nela instalaranse tanto a liña de saída,como a meta,ademais da recollida de dorsais.

Os tres primeiros clasificados masculinos e femininos da categoría absoluta recibirán un trofeo conmemorativo mentres que nas categorías inferiores os participantes recibirán unha medalla de recordo.

As distancias e horarios da carreira son:

·         12:00h CARREIRA ABSOLUTA 5.300m

·         12:45h Chupete (0 a 5 anos) 100m

·         12:55h Pitufo/a (6 a 7 anos) 300m

·         13:00h Benxamín (8 a 9 anos) 500m

·         13:10h Alevín (10 a 11 anos) 500m

·         13:15h Infantil (12 a 13 anos) 1.000m

·         13:20h Cadete (14 a 15 anos) 1.000m

·         13:25h Xuvenil (16 a 17 anos) 1.200m


Publicado en Deportes e Pavillón


Concellería de Deportes
Pavillón Municipal A Montesiña

3ª Carreira de orientación Concello de Soutomaior

21-05-2018 / Deportes e Pavillón

A orientación é unha actividade física ao aire libre que nos permite gozar da contorna, xa sexa urbano ou natural, sen perdernos. O deporte en si consiste en ir localizando uns postos de control ou balizas situadas no terreo. Para iso, dispoñemos da axuda dun mapa no que aparecen sinalados con precisión os lugares onde se atopan ditas balizas. Os controis...