Venres, 15 Setembro 2017 13:43

Recoñecemento os clubs federados do Concello e deportistas individuais.

1ª Gala do Deporte do Concello de Soutomaior

O vindeiro venres 29 de setembro a partir das 21,30 horas terá lugar no Multiusos de Arcade a 1ª Gala do Deporte do Concello de Soutomaior.

Nela recoñecerase a todos os clubs deportivos do Concello o seu labor a favor do deporte e a xunta directiva de cada club nomeará un deportista, delegado, colaborador ou seguidor que considere oportuno para agradecer a axuda prestada ao club.

Así mesmo premiaranse a deportistas individuais polos logros deportivos e humanos da tempada pasada.

Esta 1ª Gala terá un obxectivo que é o de valorar aos clubs e aos deportistas non exclusivamente polos seus resultados deportivos se non tamén pola súa dedicación, esforzo e promoción polo deporte.

En posteriores galas premiaranse aos deportistas e clubs convocando os premios cunhas bases reguladoras onde poderán concorrer os deportistas e os clubs deportivos do Concello de Soutomaior

Por último recibirán o recoñecemento unha serie de persoas que de longa traxectoria deportiva sentaron as bases do deporte do Concello.

Nuns días irase ampliando a información para esta 1ª Gala do Deporte onde están representados os 18 clubs federados do Concello e deportistas individuais que representan a máis de 20 deportes distintos


Publicado en Deportes e Pavillón


Concellería de Deportes
Pavillón Municipal A Montesiña

Actividades de Verán 2018 - Semana Final

20-07-2018 / Deportes e Pavillón

As actividades de verán do Concello de Soutomaior entran na 4ª e última semana. Despois dun fin de semana de acampada para os grupos D e E empezaremos a última semana cos grupos dos máis pequenos (A e B) que recibirán a visita duns personaxes d cor amarela con forma de cilindro e xeneticamente humanizados Os Minions ara o martes unha Ximcana...