Martes, 12 Setembro 2017 10:02

Mellora cuberta Pavillón Municipal

O Concello de Soutomaior destinará 15.000 euros na renovación da cuberta do pavillón da Montesiña. A actuación, financiada a través dun convenio coa Secretaría Xeral de Deportes da Xunta, comezará nos próximos días para reparar a cuberta antes da chegada do inverno.

Traballadores municipais detectaron algunhas deficiencias na cuberta do pavillón que producían filtracións de auga nas zonas transparentes do tellado que proporcionan luz natural ao recinto. Danos que foron atribuídos ao desgaste dos materiais e as inclemencias meteorolóxicas, polo que se optou por substituír estes paneis por outros novos de maior calidade e que garantirán a estanqueidad da cuberta.

A actuación enmárcase no Plan de mantemento e mellora de instalacións deportivas do Concello, no que se inclúen a renovación da pista polideportiva do pavillón, a mellora dos vestiarios dos campos de fútbol municipais e a construción dunha nova pista de pádel.


Publicado en Deportes e Pavillón


Concellería de Deportes
Pavillón Municipal A Montesiña

Kick Boxing Club Arcade campión de España de clubes

04-12-2017 / Deportes e Pavillón

O Alcalde de Soutomaior, Agustín Reguera, recibiu no Concello aos deportistas do KickBoxingClub Arcade que se proclamou Campión de España de Clubs. O Alcalde entrégolle un recordo da visita para o Club que recibiu o seu director técnico Lito Alvarez e tamén un pequeno obsequio para @s deportistas presentes. Aproveitou a ocasión o Alcalde para felicitar a todos estes deportistas e animounos...