Venres, 18 Agosto 2017 11:28

No Peirao de Arcade

XXIII Concentración Seat 600

Este domingo día 20 de agosto, a partir das 11:00 horas, terá lugar o tradicional encontro entre afeccionados aos “pelotillas”, como se coñece popularmente ao Seat 600, no Peirao. Unha cita que alcanza este ano a súa XXIII edición e converteuse nun auténtico referente nacional para os amantes deste clásico das nosas estradas. Decenas de, o que para moitos foi o seu primeiro coche, volverán encher as rúas de Arcade de innumerables recordos no seu tradicional percorrido ata o Peirao.

17 clubs dos distintos lugares da comunidade galega e do resto de España farán posible que se reunan preto dun centenar de seat 600.

O sábado 19 desde as 16,00 ás 19,00 horas, no Peirao de Arcade, darase a benvida aos participantes, realizaranse as inscricións e sobre as 22,00 horas terá lugar unha cea de confraternidade.

O domingo a partir das 11,00 horas os participantes concentraranse na chaira do Peirao para ás 11,30 horas realizar unha ruta por Arcade, Vilaboa, Poio e Sanxenxo.

Por parte do Concello de Soutomaior farase entrega dun recordo desta concentración a cada unha das agrupacións e clubs participantes


Publicado en Deportes e Pavillón


Concellería de Deportes
Pavillón Municipal A Montesiña

Visita da Secretaria Xeral para o Deporte

22-11-2017 / Deportes e Pavillón

A secretaria xeral para o Deporte, Marta Míguez Telle,acompañada polo alcalde de Soutomaior Agustín Reguera, supervisaron onte o estado final do pavillón municipal de Soutomaior  tras as obras levadas a cabo pola Xunta de Galicia a tenor do convenio de cooperación asinado co concello de Soutomaior . A máxima responsable do deporte galego salientou a importancia da coordinación entre as diferentes...