Mércores, 15 Febreiro 2017 10:00

Visita da conselleira de Medio Ambiente

A conselleira, Beatriz Mato (derecha) xunto co alcalde Agustin Reguera inspecciona o Parque Infantil do Peirao de Arcade. A conselleira, Beatriz Mato (derecha) xunto co alcalde Agustin Reguera inspecciona o Parque Infantil do Peirao de Arcade.

A Consellería de Medio Ambiente e Ordenación do Territorio da Xunta de Galicia calcula que poderá emitir a orde que facilite o PXOM de Soutomaior no próximos tres meses. Así o manifestou esta mañá a conselleira, Beatriz Mato, durante unha visita para inspeccionar o resultado dos traballos realizados no parque infantil de o Peirao de Arcade, financiados con fondos do Plan Urbe.

Segundo a Lei do só, unha vez presentada a documentación que constitúe o Plan Xeral por parte da administración local, a Dirección de Ordenación do Territorio dispón de tres meses como máximo para supervisar que o contido se axusta á normativa vixente. Un prazo que a conselleira, Beatriz Mato, afirmou que marcaría a aprobación definitiva do PXOM de Soutomaior.

Neste sentido a conselleira felicitou aos responsables do Concello por alcanzar este documento fundamental para o desenvolvemento do municipio xa que “marca a folla de ruta que indica, non só facía onde crecer, senón como facelo dunha maneira ordenada, controlada e respectuosa co medio ambiente”. Pola súa banda, o alcalde de Soutomaior, Agustín Reguera, agradeceu as palabras da conselleira e a súa atención co Concello de Soutomaior. “Unha atención que permite que teñamos un parque infantil como este, no que no verán se poden ver ata 60 nenos xogando aquí coas súas familias”, afirmou o alcalde.

Os traballos contaban con presuposta de case 60.000 euros e consistiron na demolición do antigo chan e a construción dunha nova soleira de formigón recuberta de caucho que permite un uso do parque máis seguro e constante ao non depender da choiva para ser practicable. En total instaláronse 14 novos elementos como balancines, xogos de escalada ou unha tirolina ademais de restaurar os antigos elementos.

Durante a visita, a conselleira defendeu que “non existen obras pequenas, senón necesarias ou innecesarias”, ao que engadiu que “estas actuacións, a pesar de ser de menor importe, melloran a calidade da vida, nunca se pode dicir que son pequeñas”.

Para finalizar, o alcalde de Soutomaior, Agustín Reguera, agradeceu o traballo da Consellería de Medio Ambiente  para crear unha gran zona de lecer en Arcade.” Coa praia, o paseo, o parque infantil ou a carballeira acolle a veciños de todas as idades, gustos e necesidades”, que continuou,” a proba é este parque e a gran acollida que ten”.

Por último, a conselleira lembrou que esta actuación está enmarcada no Plan Urbe, baseado en tres eixos fundamentais: fomentar a humanización das pequenas poboacións, favorecer a cooperación da Administración autonómica e os concellos e promover o equilibrio territorial de Galicia.


Publicado en Alcaldía


Alcaldía
Casa do Concello

Alerta naranxa por vento

14-03-2018 / Alcaldía

A Axencia Estatal de Meteoroloxía ( AEMET) informa no boletín núm. 49/71 GALás 10:36 horas, dun fenómeno meteorolóxico adverso por VENTOS con refachos de ata 100 km/ h( SW) que afectará á Coruña, Lugo ( A Mariña, Centro e Montaña), Pontevedra (Rías Baixas, Miño e Interior) e Ourense (Sur, Noroeste e Montaña). Comezando nas primeiras horas do mércores día 14/03/2018...