Martes, 31 Xullo 2018 11:30

O Fiadeiro – Musical

Campo de San Benito (Romariz) Soutomaior - Xoves 2 de agosto ás 21,00 h

O grupo de música tradicional O Fiadeiro actuará este xoves 2 de agosto, no Campo de San Benito en Romariz.

O concerto comezará ás 21.00 horas e estará dirixido a todos os públicos. A actuación forma parte do programa municipal de actividades culturais de verán do Concello de Soutomaior.

A formación é sinónimo de música tradicional e conta cunha sección de baile e outra de acompañamento, composta á súa vez por un grupo de pandereteiras e unha charanga.

 A duración do concerto é dunha hora e media na que o grupo construirá un espectáculo único, espontáneo e persoal.

O Fiadeiro destaca pola súa organización e representación de espectáculos de gran formato como “A última verbena”, obra ambientada en Galicia durante a postguerra, e “Esta noite hai unha fía”, na que se recollen escenas do pasado de aldeas de toda Galicia na que a música e o baile tradicional son protagonistas.




Concellería de Cultura
Casa do Concello

Espectáculo : Vive o Camiño

20-08-2018 / Cultura, Turismo e Patrimonio

Silvia Penide e Celso Fernández Sanmartín “Celsiño” Alameda Talo Río - Mércores 22 de Agosto - 22,00 horas O Xacobeo organiza unha serie de espectáculos que van recorrer Galicia neste verán. O Concello de Soutomaior, contará cunha actuación musical e de contacontos a cargo de Silvia Penide e “Celsiño”. A primeira, amosaranos un percorrido cheo de historias tanto contadas como cantadas no que se...